السبت، أبريل 05، 2008

اضراب السادس من ابريل ....... انه يوم مشهود



ارهاصات واحد هيضرب بكرة

يبدو أن اضراب السادس من ابريل وضع النظام في وضع حرج جدا جدا جدا .... حيث أن تداعيات الدعوة للإضراب هزت أركان هذا النعش المتداعي المسمى بالنظام الحاكم في مصر ... حيث قامت وزراة الداخلية المصرية باصدار بيانات متتالية ومتعاقبة تندد وتحذر بالاضرابات والتظاهرات وحددت اخيرا في اخر بيان لها اليوم بتحذير المواطنين من النشاركة في الاضراب المزمع اقامته غدا...

وهذا نص اخر بيان تجدونه في هذا اللينك



وعجبي على البيانات السياسية التي تصدر من وزارة الداخلية .... يا ترى مين اللي بيحكم مصر الداخلية ولا الحكومة ؟؟؟


المهم نكمل موضوعنا


لم يقف الامر عند هذ الامر لكن قامت جريدة الاهرام العريقة التي يبكي الانسان لحالها اليوم بعد ان كانت صرحا للدفاع عن حقوق المصريين حتى اصبحت مرتعا للفاسدين والمفسدين ولسان حال الظالمين .... لم تخجل جريدة الاهرام الموقرة من الكذب عمدا على المواطنين بادعاء أن المادة رقم 124 من قانون العقوبات تمنع وتحذر على المواطنين الاضراب عن العمل ونست هذه الجريدة الكاذبة ان المادة رقم 8 في المعاهدة الدولية لحقوق الانسان التي وقعت عليها مصر عام 1982 وتؤخذ انها مصدر تشريعي دستوري في مصر تعطي الحق للمواطنين للاضراب عن العمل ... وهذا اللينك يشرح اكثر مني هذا الامر



وعدي يا نهار على الكذابين والافاقين والمنافقين في هذه الدولة ..............


تعالو نشوف جامعتنا الموقرة جامعة القاهرة العظيم طلابها...(حلوة حتة اللغة العربية دي :) )


بناء على تعليمات ظباط أمن الدولة بكليات الجامعة المختلفة قام وكلاء الكليات ومديري رعايات الشباب وموظفي رعاية الشباب بالاجتماع مع طلاب الاتحادات وطلاب الانشطة في الكليات وطالبتهم بعمل نشاط في الجامعة يوم الاحد في ساحات الكليات وهذا الامر من مصادر موثوقة جدا جدا جدا .....


كل ده بيقول حاجة واحدة بس............. النظام مرعوووووووووووووووب من نجاح الاضراب ........مرعوووووووووووب من تحرك الشعب وشعوره انه ممكن يغير .... ترك الامر ملف السياسة في مصر للامن يدل ان هذا النظام افلس افلاس تام ولم يتبق الكثير


..........

كلمة لهذا الشعب كم اتمنى ان اراك غدا تنجح هذا الاضراب


كم اتمنى ان اجد مصر كلها تغلي وتثور ضد الفساد


بحبك يا مصر .... بحبكككككككككككككككككككككككك

هناك 12 تعليقًا:

Kazilar يقول...

SECURITY CENTER: See Please Here

عاشقة الحياة يقول...

كان نفسي أشارك مع الناس لكن خوفت على زعل أمي وهي مش ناقصة أكمل عليها المهم اني بتمنى اني الناس تكون عملت حاجة بجد ياب تكون اتوفقت

SHAHEENSHY...فوضى منظمة يقول...

انا حبيت اقولك اني جيت زرت مدونتك .. ربنا يبارك فيك يا محمد .. اما عن اضرا ابريل .. فالكلام عنه كتير اوي .. لكن خلينا نشوف التجربة ونتائجها هتعمل ايه

محمد عباس يقول...

نورتي المدونة يا عاشقة الحياة

لو كنتي خايفة على زعل والدتك كنتي عملتي زيي قعدتي في البيت بس

شاهنشي باشا نورت المدونة والله

خلينا نشوف تعليقاتك على البوست اللي قلتلك عليه ..ها..

عاشقة الحياة يقول...

ازيك أولا يامحمد للاسف أنا مفهمتش أنت قصدك اية معلش ممكن تفهمني

محمد عباس يقول...

قصدي ان كان ممكن تشاركي في الاضراب عادي جدا ... انك تقعدي في البيت ومتنزليش ومتقوليش لحد انك مضربة بس يعني ... زي ما انا عملت بالظبط

عاشقة الحياة يقول...

ماهو دة اللي أنا عملتة كل قصدي اني الرسالة ممكن تكون ماوصلتش صح علشان أنا قاعدة في البيت وبس يعني

Ditaur يقول...

Attention! See Please Here

Nenos يقول...

See Please Here

fahd يقول...

يابني عايز اشوفك حاجه جديده

اه انت بتمتحن

ربنا معاك يا زميكي وينصرك وياخدك في رحمته
امين

سبهللة عالآخر يقول...

هو انت مضرب من ساعتها ؟؟
ياريت تفك الاضراب وتكتب لنا بوست جديد

عبدالرحمن فارس - مدونة لساني هو القلم - يقول...

6 ابريل عدى
و
4 مايو عدى
والاضراب التالت قرب

ايه يا اخ انت فين ولاعجبتك حجاية الاضراب

وبعدين تعالى هنا فين السبوع يابني


ربنا يوفقك يارب في الامتحانات ويكون في عونك


تحياتي
و
محبتي