الخميس، أكتوبر 11، 2007

حدث في الجامعة1

بعد السلام والتحية وبعد عرضة اعتذار بقيت خلاص مش عارف اعتذر

واقول ايه لانقطاعي المتوالي عن التدوين ولكن اعذروني لانشغالي

..................................................

أحب قبل ما أبدأ اهنيكم بحلول عيد الفطر المبارك اعاده الله علينا بالخير واليمن والبركات

وأسأل الله ان يتقبل منا شهر رمضان

.................................

ندخل في موضوعنا


الجامعة السنة دي بداية غير ......من حيث العلاقة بين ادارة الجامعة وطلاب الاخوان المسلمين

احداث متتالية كل حدث يخالف غيره وينقضه وتشعر انك لن تصل الى نتيجة ايجابية من كل هذه الاحداث


نبدأ الحكاية من كليتنا المجيدة.....

بدأنا العام الدراسي كبدايتنا كل عام باستقبال الطلاب وتهنئتهم بالعام الدراسي الجديد ... وكان من ضمن وسائل استقبالنا بانر ضخم حجمه 4*8 متر مكتوب عليه

(في تجارة هنعيش احلى سنين ومذيل باسم طلاب الاخوان المسلمين)


فوجئنا في ثاني يوم للدراسة بالاستاذ الدكتور / رائد الاتحاد يطلب مقابلتنا بعد أن قمنا بانزال البانر من على المدرج


يحدثنا بحديث الأب لابنائه الخائف عليهم وبلاش يا شباب البانر ده

الظروف السنة دي صعبة وفي ضغوط جامدة علينا قبلاش نستفز حد


المهم ارتأى اخواننا ان لا نعلق البانر مرة اخرى كرسالة اننا احترمنا راي دكتورنا واستاذنا وتقديرا لحديثه معنا


لحد هنا ...... وقلنا تمام مفيش مشاكل نكمل اعمالنا ومش لازم البانر لو ده اللي هيعمل ازمة مع اساتذتنا وادارة كليتنا


نيجي لرابع يوم المفترض ان يكون في حفلة يتم فيها دعوة جميع من يعمل في الكلية من اسر و ادارات واعضاء هيئة تدريس واتحاد ليحدثو الطلاب الجدد بنبذة عن كل وحدة وماذا تقدم وما هدفها وبالفعل تم دعوة الجميع وتم ادخال السماعات اليت ستستخدم في الحفل

و........عميد الكلية يطلب الحديث معنا

صعدنا للعميد وهو دكتور بالفعل نكن له جميعا سواء طلبة او اعضاء هيئة تدريس او عمال كل تقدير_ شخصية محترمة فعلا_ وتحدث معنا ايضا بمنطق الاب وقال لنا "انا عايزكم تعملو الانشطة بتاعتكم بس بلاش اسم طلاب الاخوان ده "

و قال "طلعولي اعمال عايزن تعملوها وانا هوافقلكم عليها "

وجه كلامه لرائد الاتحاد"الشباب دول لازم يقومو بالانشطة بتاعتهم " مطالبا ايانا بعدم استخدام اسم طلاب الاخوان...

فاتخذ القرار بالغاء الحفل وده قرار غريب لان العميد لم يطلب الغاء الحفل ولكن طلب عدم استخدام اسم طلاب الاخون فقط

وبعد معارضات وتسجيل مواقف وما اشبه اليوم بالبارحة وحاجات كتير كده واحنا لم نكسب اي شئ من هذا الأمر وقد قدمنا تنازلات بدون اي ضمان وبدون اي مادية ملموسة ممكن نكون اكتسبناها

بمعنى أصح بنقدم تنازلات على طبق من ذهب ... وبدون مقابل

وتم الاتفااق على اننا نقوم بتقديم جدول تشغيل فيه اعمالنا وسيقوم سيادة العميد بالموافقة عليها ... وفعلا تم هذا الامر وصعدنا بجدول التشغيل وقد تم الاتفاق على تسليمه لرائد الاتحاد مع تصور كامل لاول عمل في جدول التشغيل وكان معرضا بيمزانيته ليوافق عليه وكانت ارباح المعرض ستذهب الى الاعمال الخيرية


وقد علمنا من سكرتارية العميد انه قام بالتأشير على جدول التشغيل بالموافقة و أصبح الامر الان بيد رائد الاتحاد


وبعد طول انتظار تم رفض العمل بحجة انه ممنوع البيع بداخل الجامعة حتى الاتحاد نفسه ليس له الحق ان يقوم باي معرض للبيع داخل الجامعة


بالرغم ان اسرة رسالة تقيم معرضا في كل تيرم في الكلية والبيع لصالح الجمعية الخيرية


!!!!!!!!!!!!!!!!!!!!!!!!!!!!!!!!!!!!!


وفي هذه الاثناء تم ترقية عميد الكلية ليصبح نائبا لرئيس الجامعة لشؤوون الطلاب والتعليم منذ ما يقرب من اسبوعين ولم يتم تعيين عميدا بدلا منه حتى الان في الكلية


زمانك بتسال دلوقتي عملتو ايه ...عملنا المعرض وحدث فيه امر جلل ..

ساحكي عنه في الجزء القادم من حدث في الجامعة ان شاء الله

هناك 9 تعليقات:

وقف لله تعالى يقول...

لا أحب التنازلات بهذه الصورة

نحترم الكبار .. نعم

هذه وصية رسولنا الكريم صلى الله عليه و سلّم

و لكن احذروا .. من التنازل

تنفرط حبات العقد الواحدة تلو الأخرى و هذه هي البداية

mohamed يقول...

كل سنة وانت طيب

شوف الكحك فين ورح كله

cleopatra يقول...

السلام عليكم

اول شئ.. منتظرة الجزء الثاني

ثانيا ..كل اللي بيحصل ده شئ متوقع .. .. يعني مش حاجه جديده عليكم ..

انتو بتعملو نشاط مرفوض من ادارة الجامعه .. او من البلد ككل بمعني اصح .. فطبيعي ان ده يكون رد الفعل ..

بس يا تري العميد الجديد هيعمل معاكو ايه ؟؟؟؟؟؟

خالد يقول...

مبدأيا هو مفيش تنازلات ولكن الصورة لم تضح لكم تماماً ولكن سوف يوضحها اخى فى تعليقه ان شاء الله
ولكن احنا نشاطنا مش مرفوض رائد الاتحاد وعميد الكلية بيجيوا لنا وبيستاذنوا مننا مش اللى هما عايزينه بيعملوا
اخى محمد منتظر التكملة بارك الله فيك
وكل عام وانت بخير

coca يقول...

اعتقد ان مفيش تنازلات حتصل انشاء الله
واذا كان الخلا ف السياسي بين الحكومه والاخوان فدا لايمنع حق العمل الطلابي والخيري خصوصا انه عمل جميل وربنا يكرمكوا عليه

فلسطينية الهوى يقول...

منتظرة الجزء التاني بفارغ الصبر


بس مش تغيب كالعادة مؤخرا

طلة قمر يقول...

ربنا يعينكم ويوفقكم لما فيه الخير

وهذه ماهي الا البدايه

شدو حيلكم بقى

منتظره البقيه قريبااااااااا

وجزاك الله كل خير

moslem_fm يقول...

ربنا يكرمك .. على الملف الجميل

بس زى ما الكل اجمع .. مش هينفع نتنازل على طول

moslem_fm@hotmail.com يقول...

سنظل دائما نحترم من هم اكبر منا
ولكن لن نستمر فى هذه التنازلات

فما تنتهك هى حقوقنا التى كفلها لنا الدستور

وسنظل نسير فى طريقنا القانونى الى ان ترجع حقوقنا